jaja, mir sind im shoppingparadies acho… gester haend mer de strand strand sii lah und sind go laedele. und zwar so wie no nie i eusem laebe, und das will doch oeppis heisse. vom morge am 11i bis am abig am 8ti sind mer da d hauptstrass uf und ab gloffe und sind i jede lade ine. en absolute maenneralptraum isch das kuta.
also aninchen, en guete tip… nimm denn gnueg muenz mit wenn uf bali gahsch. es isch natuerlich alles immerno dreckbillig… bsunders d markesache, gell. hawaii haet sin erste platz als shoppingparadies da uf de erste meter wieder verlore. und silber verchaufeds au a jedem egge zu prise wo eim zum bruele bringed.
huet mached mer defuer en strandtag. iicremt mitem schutzfaktor 50 ligged mer jetzt denn grad id sunne und probiered, eusi wiise streiffe a die neukaufte bikinis aazgliche. am mittag gits denn wieder en riese fruchtteller fuer 1.40.- und denn am abig namal en teller mie goreng fuer 2.80.-
wie ihr gsehnd, mir gnuessed eusi “ferie i de ferie” sehr 
liebi gruessli und bis bald
“wisswurm 1 und wisswurm 2, bald brunbraennti beach-babes”
simi & claudia
nice… nice! gnüssed eui “ferie i de ferie!” da schiffets wiedermal… tz tz
Hoi ihr gstreifftä Würm!
Tönt wiä immer cool was ihr schriibed. Läck bi dänä bus-fahr-gschichtä wird mer ganz anderscht, grosses respect! Also ich wär durätrüllt und zwar mehrmals!
Da lauft nöd all zu viel, s’üblich guet halt. Händ immer wieder chli fäscht und mached was mer so macht. Mer freued ois natürli je länger je meh uf oi, vor allem dä “lang” plangt öpper… ja simi, dä muesch dänn grad mal chli “entgiftä” wenn hei chunsch. *grins*
Kussi
Nono